Il nostro poeta Gianni Terminiello si classifica al 1° posto nella sezione "Poesia Dialettale" della XI edizione del premio Internazionale di poesia San Gerardo Maiella con la poesia 'A Famiglia.

‘A FAMIGLIA

Senza famiglia è difficile ‘a campà,
jià vedè quant’è bell, quann caccuruno
te penza e vò sapè ‘a te, addò staje……
che faje, si vivi na’vita sana e se t’iè mise
‘a maglia ‘e lana.

‘A famiglia è comme ‘a na’scalinata,
long quann basta, se saglie e po’ se scenn,
stann attient ‘a nu’carè, pecchè ‘e uaje aropp,
so pe’ tutt quann.

‘A famiglia è comme ‘a nu’lunzulo janco spaso
‘o sole, s’agita, s’arroggna, s’arraposa…è na’
frennesia tuccata, ma po’ quann chiove, tutt
‘a rind ‘ appullajate ‘a aspettà na’bbona jurnata.

Dind ‘a na’ famiglia nu’esiste traritore, ‘a famiglia
è na’cosa seria, se magna tutt’assieme e guaje…..
si’ nu fatt ce’preme….s’arraggiona inzieme.

‘A famiglia è na’rosa fresca…..’o sale da’vita,
‘a se fa bella, addò ‘e criaturi cresceno cu’essa
‘e tutt passa ‘e và alleramente.

‘A famiglia forse…..è chella llà…nu’patre, na’
mamma ‘e tre juagliuni…l’ate nu’ so nisciuno,
ma stà prelibatezza arura ‘o tiemp ‘e na’carezza…
po’ s’aiesce ‘a via ‘e fore, e tutt chest addiventa
amarezza.

‘E accussì…chianu, chianu, comme ‘e fronne
da’ vernata, ‘a famiglia spenna e perde
chell’allummata, te ne accuorgi sulo quann…..
‘a sera, nu’hai chiù chiammate.

Gianni Terminiello

Dedicata ai miei genitori che non ci sono più